Burun əməliyyatdan sonra masaj təyin edirsinizmi?

Təbii ki təyin edirəm. Masaj təyin etməyə 2 həftədən sonra başlayırıq. Masajları təyin etməkdə məqsəd nədir? Burun sümükləri istər-istəməz enlənməyə meyilli olduğuna görə masaj təyin olunur ki, sümüklər çox enlənməsin.

Bir də burun ucu masaj olunur ki, burun ucu düşməsin. Daha sonra burnun supratip, yəni burun ucunun arxa hissəsi normal bir formada qalsın deyə oranı masaj edirik. Bu masajların həqiqətən çox köməyi olur.

Əlavə olaraq xüsusi məlhəm və mazlar da təyin edirik ki, daha çox xeyri olsun. Bu proses 1 aya qədər çəkə bilər. Problemdən asılı olaraq masajı qısamüddətli və uzunmüddətli də təyin etmək mümkündür.