Burun əməliyyatları ağrılı olurmu?

Qeyd edim ki, xəstələri ən çox narahat edən suallardan biri də budur... Təbii ki bu da bir əməliyyatdır, buna görə müəyyən qədər ağrı ola bilər.

Amma bizim pasiyentlərdə ağrı çox nadir hallarda olur. Çünki biz sümükləri Piezo aparatı ilə kəsirik ki, çalışdığımız qədər yumşaq toxumalara az tramva edək. Bu halda da heç bir qəlpəli sınıq olmur.

Adətən bizdə əməliyyat qapalı yolla olur ki, bunun da müəyyən qədər rolu vardır. Bundan əlavə, əməliyyat zamanı çalışdığımız qədər daha səliqəli işləyirik. Əlavə olaraq bir çox nüanslar var, hansı ki əməliyyat əsnasında onlara riayət edirik ki, əməliyyat sonrası ağrılar olmasın...

Digər tərəfdən ağrı olsa belə tabletka şəklində olan ağrıkəsicilərlə ağrının öhdəsindən gəlmək olur. İynələrə isə nadir hallarda ehtiyac olur. Bir sözlə, ağrılar rinoplastika üçün bir maneə olmamalıdır, çünki bunlar cüzi ağrılardır.